GESSUDA DERA TARDOR (BOSSÒST- ERA BORDETA)

Eth dimars 16 d'octobre es escolans de Cicle Iniciau dera Escòla Sant Ròc de Bossòst hèrem era gessuda dera tardor en tot aprofitar eth nòste entorn entà poder-lo conéisher mielhor.

Gesserem de Bossòst peth camin reiau que pòrte enquiara Bordeta. Ath long deth camin observèrem era transformacion deth paissatge en aguesta sason ( colors, fruts, eca...).

Tanben fotografièrem es èsters vius/inèrts qu'anèrem trapant ath long deth camin entà poder hèr un recuelh d'informacion e dempús classificar-la ena classa.

Era gessuda siguec fòrça divertida pr'amor que trapèrem fòrça causes, entre eres, un petit imprevist qu'ac solucionèrem ingeniosament.

 

GESSUDA TARA DEPURADORA

Es escolans de Cicle Iniciau dera escòla Sant Ròc de Bossòst anèrem a vesitar era depuradora deth pòble pr'amor qu'aguest an trabalharàm era aigua  coma projècte interdisciplinar.

                      Arribada ara Estacion Depuradora d'aigües residuaus de Bossòst

Ací vederem es potzs a on arribe era aigua entà hèr-li era prumèra fasa de depuracion.

Es explicacions des nòsti guides siguèren fòrça interessants.

Dempús dèster tractada en diuerses fases, era aigua fin finau torne ar arriu depurada.

AUÉ AUEM APRENUT QU'EI IMPORTANT CUEDAR ETH NÒSTE MEDI AMBIENT!!!